गडचिरोलीत महाराष्ट्र राज्य नवनिर्मित नर्सेस संघटनेतर्फे ‘अमृत महोत्सव व गुणवंत सत्कार सोहळा’ संपन्न!

गडचिरोली, दिनांक १५ ऑक्टोबर २०२६:
महाराष्ट्र राज्य नवनिर्मित नर्सेस संघटना शाखा गडचिरोलीच्या वतीने वीर बाबुराव शेडमाके सभागृह, गडचिरोली येथे ‘अमृत महोत्सव, गुणवंत पाल्यांचा सत्कार, सेवानिवृत्त आरोग्य सेविका, सहाय्यक, पर्यवेक्षिका आणि नवनियुक्त आरोग्य सेविकांचा गौरव सत्कार सोहळा’ अत्यंत उत्साहात पार पडला.
या दिमाखदार सोहळ्याला गडचिरोली जिल्ह्याचे मुख्य कार्यकारी अधिकारी आदरणीय सुहास गाडे सर प्रमुख पाहुणे म्हणून उपस्थित होते. आपल्या मार्गदर्शनात ते म्हणाले की, “अमृत महोत्सव कार्यक्रम हा एक विशेष सोहळा असून आजच्या नर्सेस भगिनींसाठी तो एक आदर्श आहे. समाजाप्रती असलेली सहानुभूती आणि अशा उपक्रमांमुळे नर्सेस भगिनींचे एक अनोखे अस्तित्व निर्माण झाले आहे. गुणवंत पाल्यांच्या सत्कारामुळे समाजातील तमाम आरोग्य सेविकांच्या मुलांना शिक्षणाची नवी दिशा मिळते. गरजवंत पाल्यांच्या शिक्षणासाठी सर्व दारे खुली असून केवळ योग्य मार्गदर्शनाची गरज असते,” असे प्रतिपादन त्यांनी यावेळी केले.
जिल्हा आरोग्य अधिकारी मा. **डॉ. प्रताप शिंदे** यांनी अमृत महोत्सव पात्र नर्सेस भगिनींचे मनोगत ऐकून घेत, आरोग्य सेवेसोबतच समाजकार्याचा वसा चालवल्याबद्दल उपक्रमाचे कौतुक केले. तळागाळातील सर्व नर्सेस भगिनींनी अडचणी व समस्यांना सामोरे जाताना स्वतःची काळजी घेऊन जनतेला उत्कृष्ट सेवा द्यावी, असे मोलाचे मार्गदर्शन त्यांनी केले. तसेच गडचिरोलीच्या आरोग्य सेविकांवर एका सुंदर कवितेचे वाचन करून त्यांनी उपस्थितांची मने जिंकली आणि गुणवंत मुलांचे कौतुक केले.
मान्यवरांची विशेष उपस्थिती:
या सोहळ्याला आरोग्य व प्रशासकीय विभागातील अनेक दिग्गज अधिकारी उपस्थित होते. यामध्ये प्रामुख्याने:
* मा. डॉ. सुनील मडावी (वैद्यकीय अधिकारी, पोलीस विभाग)
* मा. डॉ. कोठूले सर (अतिरिक्त जिल्हा आरोग्य अधिकारी)
* मा. डॉ. माधव शिंदे सर (जिल्हा हिवताप अधिकारी)
* मा. डॉ. सचिन हेमके सर (जिल्हा कुष्ठरोग अधिकारी)
* मा. डॉ. किरण शिंदे मॅडम(जिल्हा क्षयरोग अधिकारी)
* मा. डॉ. पंकज हेमके व मा. डॉ. सचिन हेमके
* मा. डॉ. रुचिता खानंडरे मॅडम (वैद्यकीय अधिकारी, जिल्हा प्रशिक्षण पथक)
* मा. शांतनू पाटील सर (प्रशासकीय अधिकारी)
* मा. श्रीमती रेखा निगूत (pHN मॅडम)
* मा. कानोजिया सर**
* मा. **श्री. दिलीप मडावी (अध्यक्ष, पेन्शनर संघटना, गडचिरोली)
यांसारखे अनेक मान्यवर, नर्सेस भगिनी व त्यांचे कुटुंबीय मोठ्या संख्येने उपस्थित होते. कार्यक्रमाच्या यशस्वी आयोजनाबद्दल सर्व स्तरातून संघटनेचे अभिनंदन करण्यात येत आहे.