अभिनेत्री शिल्पा शिंदे यांच्या हस्ते उद्या गडचिरोलीत रोकडे ज्वेलर्सचे उद्घाटन!

Spread the love

सोने, हिरे, पोलकी, कुंदन आणि ब्रायडल ज्वेलरीचे भव्य कलेक्शन; ग्राहकांना मिळणार दागिन्यांच्या खरेदीचे नवे दालन

गडचिरोली, दि. १३ ऑक्टोबर : नागपूरच्या सुवर्ण व्यवसायात आपली ओळख निर्माण केलेल्या रोकडे ज्वेलर्सचा विस्तार आता गडचिरोलीत होत असून, नव्या दालनाचा शुभारंभ गुरुवार, १५ ऑक्टोबर रोजी सकाळी ११ वाजता होणार आहे. प्रसिद्ध अभिनेत्री आणि ‘बिग बॉस’ विजेत्या शिल्पा शिंदे यांच्या हस्ते या दालनाचे उद्घाटन करण्यात येणार आहे.

चंद्रपूर-मूल रोडवरील हॉटेल लँडमार्कसमोर असलेल्या हॉटेल जिंजर येथे हे नवीन दालन सुरू होणार आहे. या शुभारंभामुळे गडचिरोली आणि परिसरातील ग्राहकांना विविध प्रकारच्या दागिन्यांची खरेदी एकाच ठिकाणी करता येणार आहे.

पारंपरिक दागिन्यांसह आधुनिक डिझाइनची मेजवानी

ग्राहकांच्या आवडीनिवडी लक्षात घेऊन रोकडे ज्वेलर्सच्या नव्या दालनात सोन्याचे हॉलमार्कयुक्त दागिने, हिऱ्यांचे दागिने, पोलकी, कुंदन, ब्रायडल ज्वेलरी आणि चांदीच्या दागिन्यांचे विविध प्रकार उपलब्ध करून देण्यात येणार आहेत. विवाहसोहळे, सण-उत्सव तसेच विविध शुभप्रसंगांसाठी पारंपरिक आणि आधुनिक डिझाइनचे पर्याय येथे मिळणार असल्याची माहिती रोकडे कुटुंबीयांनी दिली.

नववधूंसाठी आकर्षक ब्रायडल कलेक्शनसह दैनंदिन वापरातील दागिन्यांनाही या दालनात स्थान असणार आहे. त्यामुळे दागिन्यांच्या खरेदीसाठी नागपूर किंवा इतर शहरांकडे जाणाऱ्या ग्राहकांना गडचिरोलीतच विविध पर्याय उपलब्ध होण्यास मदत होणार आहे.

शिल्पा शिंदे यांच्या उपस्थितीची उत्सुकता

‘भाभीजी घर पर हैं’ या लोकप्रिय मालिकेतील भूमिकेमुळे घराघरांत पोहोचलेल्या अभिनेत्री शिल्पा शिंदे यांच्या हस्ते उद्घाटन होणार असल्याने या कार्यक्रमाला विशेष आकर्षण प्राप्त झाले आहे. ‘बिग बॉस’च्या विजेतेपदामुळेही त्या विशेष चर्चेत राहिल्या आहेत. त्यांच्या उपस्थितीत होणाऱ्या या सोहळ्यामुळे रोकडे ज्वेलर्सच्या नव्या दालनाच्या शुभारंभाकडे नागरिकांचे लक्ष लागले आहे.

पत्रकार परिषदेत शुभारंभाची माहिती

नव्या दालनाच्या उद्घाटनाची माहिती देण्यासाठी मंगळवारी, १३ ऑक्टोबर रोजी हॉटेल लँडमार्क येथे पत्रकार परिषद आयोजित करण्यात आली होती. यावेळी भैय्याजी रोकडे, वंदना रोकडे, राजेश रोकडे, सारंग रोकडे, पारस रोकडे, अनामिका रोकडे आणि संस्कृती रोकडे उपस्थित होते.

रोकडे ज्वेलर्सच्या या नव्या दालनामुळे गडचिरोलीच्या सुवर्ण बाजारपेठेत आणखी एक पर्याय उपलब्ध होणार असून, विविध प्रकारच्या दागिन्यांच्या खरेदीसाठी ग्राहकांना एकाच छताखाली सुविधा मिळणार आहे.

उद्घाटन सोहळा :