‘ऑपरेशन यू-टर्न’; अपघातांना आळा घालण्यासाठी गडचिरोली पोलीस दलाची प्रभावी मोहीम.
प्रेस नोट
गडचिरोली दि 6 ऑक्टोबर
गडचिरोली शहर वाहतूक विभागाचे आवाहन; शॉर्टकटच्या नादात जीव धोक्यात घालू नका; निर्धारित यू-टर्नचा वापर करा.
ऑपरेशन यू-टर्नच्या माध्यमातून वाहतूक नियमांबाबत करण्यात आली जनजागृती
गडचिरोली शहराची लोकसंख्या तसेच वाहनांची संख्या सातत्याने वाढत असताना शहरातील वाहतूक व्यवस्थेवरही त्याचा परिणाम होत आहे. वाहन चालकांकडून वाहतूक नियमांचे उल्लंघन केल्यामूळे अपघाताची शक्यता निर्माण होत असून, विशेषत: निर्धारित यू-टर्नचा वापर न करता विरुद्ध दिशेने येणाया-जाणाया वाहन चालविण्याच्या प्रकारांमूळे स्वतःसह इतर वाहन चालकांच्या जीवितास धोका निर्माण होऊ शकतो. त्यामुळे शहरातील वाहतूक व्यवस्था सुरळीत ठेवणे, वाहतूक नियमांचे उल्लंघन कमी करणे आणि नियमभंगामूळे होणारे अपघात टाळणे या उद्देशाने पोलीस अधीक्षक, गडचिरोली श्री. एम. रमेश यांच्या मार्गदर्शनाखाली गडचिरोली शहर वाहतूक विभागाकडून ‘ऑपरेशन यू-टर्न’ ही विशेष मोहीम राबविण्यात येत आहे. यासोबतच रस्त्याच्या विरुद्ध दिशेने येणाया-जाणाया वाहन चालविणाया वाहन चालकांवर कारवाई करण्यासोबतच वाहतूक नियमांच्या पालनाबाबत जनजागृती करण्यात येत आहे.
सविस्तर वृत्त असे आहे की, शहरातील प्रमुख रस्ते तसेच महामार्गांवर वाहन चालकांना सुरक्षितपणे दुसया दिशेने जाता यावे, यासाठी विविध ठिकाणी नियोजित यू-टर्नची सुविधा उपलब्ध करून देण्यात आली आहे. मात्र, काही वाहन चालक वेळ वाचविण्याच्या प्रयत्नात निर्धारित यू-टर्नपर्यंत जाणे टाळून विरुद्ध दिशेने वाहन चालवितात. काही मिनिटांचा हा शॉर्टकट जीवघेणा ठरू शकतो. विरुद्ध दिशेने येणाया वाहनांमूळे समोरून येणाया वाहन चालकाला अचानक ब्रोक लावावा लागतो किंवा वाहन वळवावे लागते. परिणामी धडक होऊन गंभीर अपघात होण्याची शक्यता वाढते. विशेषत: गर्दीच्या वेळेत विरुद्ध दिशेने वाहन चालविल्यामूळे वाहतूकीचा नैसर्गिक प्रवाह विस्कळीत होतो. त्यामुळे इतर वाहन चालकांना अडथळा निर्माण होऊन अपघाताचा धोका वाढतो. अशा प्रकारे नियमांचे उल्लंघन करणाया वाहन चालकांवर गडचिरोली शहर पोलीस वाहतूक विभागाकडून लक्ष ठेऊन आवश्यक ती कायदेशीर कारवाई करण्यात येत आहे.
यासोबतच ‘ऑपरेशन यू-टर्न’ च्या माध्यमातून केवळ नियमभंग करणायांवर कारवाई करण्यापुरते मर्यादित न राहता वाहन चालकांमध्ये वाहतूक शिस्तीबाबत जागरूकता निर्माण करण्यावरही भर देण्यात येत आहे. शहरातील विविध ठिकाणी वाहन चालकांना थांबवून निर्धारित दिशेनेच वाहन चालविणे, नियोजित यू-टर्नचा वापर करणे आणि वाहतूक नियमांचे पालन करणे याबाबत वाहतूक पोलीसांकडून सूचना देण्यात येत आहेत. तसेच वाहन चालकांनी काही मिनिटांचा वेळ वाचविण्यासाठी विरुद्ध दिशेने वाहन चालवू नये. निर्धारित यू-टर्नचा वापर करण्यासाठी लागणारा अतिरिक्त वेळ हा आपल्या आणि इतरांच्या सुरक्षिततेच्या तुलनेत अत्यंत नगण्य आहे. त्यामुळे ‘शॉर्टकटच्या नादात रॉंग साइड नको; सुरक्षित प्रवासासाठी निर्धारित यू-टर्नच हवा’, असा संदेश वाहतूक विभागाकडून देण्यात येत आहे. तसेच दुचाकीस्वारांनी अनिवार्यपणे हेल्मेटचा वापर करावा, चारचाकी वाहन चालकांनी सुरक्षित वेग राखावा आणि वाहन चालविताना स्वत: सोबतच रस्त्यावरील इतर वाहन चालक व पादचायांच्या सुरक्षिततेचाही विचार करावा, असे ‘ऑपरेशन यू-टर्न’च्या माध्यमातून गडचिरोली पोलीस दलाच्या वतीने आवाहन करण्यात येत आहे.
सदरची मोहीम पोलीस अधीक्षक, गडचिरोली एम. रमेश, अपर पोलीस अधीक्षक गोकुल राज जी., अपर पोलीस अधीक्षक (अभियान) कार्तिक मधीरा, सहायक पोलीस अधीक्षक, गडचिरोली अनिकेत हिरडे यांच्या मार्गदर्शनाखाली शहर वाहतूक विभागाचे प्रभारी अधिकारी सपोनि. शरद मेश्राम यांच्या नेतृत्वाखाली राबविण्यात येत आहे.
